Mesas na Carballeira

O sábado, despois do concurso de empanadas e o pregón, a Carballeira da Empanada énchese con 10.000 persoas nunha gran comida e cea de peñas. As peñas son grupos de familias ou amizades que deciden xuntarse e levar empanadas, bebidas e outros produtos da gastronomía galega para gozar dunha xornada de troula

Cea de peñas na Festa da Empanada

A comida de peñas comeza ás 15:00 horas e está amenizada por grupos musicais que son os encargados de prender a festa antes de dar paso ás orquestras, que adoitan comezar a media tarde. Pola noite, ás 22:00 horas, as peñas volven xuntarse na carballeira para a gran cea de peñas que funciona como antesala á gran verbena. O certo é, que a música nesta xornada nunca se detén.

Mesas da festa.

Se queres comer e/ou cear na Festa da Empanada, debes reservar a túa mesa con anterioridade. A Asociación Amigos da Empanada abre un periodo de reserva do 5 ao 18 de agosto, tempo no que aquelas peñas que decidan xuntarse deben pagar as mesas que precisen. É importante recordar que a Festa da Empanada só facilita as mesas, sendo as peñas as que levan a comida, bebida, mantel, cubertos e outras necesidades.

Cada mesa ten capacidade para 10 persoas. Os prezos son os seguintes independentemente de si se precisa para comer, cear ou ambas:

Se ÉS socio/a:

• As dúas primeiras mesas custan 20€
• A partir da terceira custan 25€

Se NON és socio/a:

• Cada mesa ten un prezo de 35€

Teléfono reservas(whatsapp):+34 621 08 71 17

A Festa da Empanada conta cun punto de venda de empanadas para aquelas persoas ou peñas que o precisen.

Polbería na Festa da Empanada.

A Festa da Empanada conta con polbería oficial para aquelas persoas que non desexen alquilar as mesas pero queiran comer ou cear na Festa da Empanada. Na actualidade, a polbería da Festa da Empanada é polbería Porta de A Estrada (659 908 745).

• Busca o teu espazo coa axuda do mapa. Se non atopas a túa mesa consulta a alguén da organización pero en ningún caso te sentes en mesas asignadas a outras peñas.
• Goza da festa pero sempre respectando ás demais persoas. Ten en conta que non estás ti só na carballeira.
• Mantén a carballeira limpa. Non tires o lixo ao chan, deposítao nas bolsas que hai en cada mesa ou emprega os colectores repartidos polo espazo.
• Vixía en todo momento ós nenos e nenas. O alto número de persoas asistentes pode supor un perigo para a rapazada máis nova.
• Non é non. A Empanada libre de violencias machistas
• Ante calquera problema de saúde ou de seguridade, acudir ao posto de mando avanzado habilitado na Festa da Empanada.
• É a Festa da Empanada, así que come moita empanada galega. Se non che gusta podes probar cunha empanadilla.
• Volve o ano que ven!